Om lag annakvar måndag kan du koma på biblioteket og få med deg aktuelle og lærerike foredrag med nokre av våre beste foredragshaldarar. Det er Senioruniversitetet i samarbeid med biblioteket som tilbyr foredrag som blir overført direkte og vist på storkjerm. Foredraga er gratis og opne for alle. Biblioteket spanderer kaffi, og du kan kjøpe deg noko å bite i om du ynskjer. 

Korleis kan du gjere hagen din til ein levande samarbeidspartnar? I dette inspirerande foredraget får du svar på spørsmål som kvifor «ugras» og «skadegjerarar» dukker opp, og korleis du kan jobb med naturen for å unngå dei. Lær korleis du kan fange karbon, auke naturmangfaldet og skape ein sunn og berekraftig hage. Foredraget kjem med sentrale poeng frå Jordboka for hagen (2024).

Foredragshaldar er professor Dag Jørund Lønning, rektor ved Høgskulen for grøn utvikling. Han ein av Noreg sine fremste ekspertar på forholdet mellom menneske og natur. Han har skrive ei rekke bestseljande bøker og artiklar om grøn utvikling, og engasjementet og kunnskapen hans gjer dette foredraget til ei inspirasjonskjelde for alle hageentusiastar.