Om lag annakvar måndag kan du koma på biblioteket og få med deg aktuelle og lærerike foredrag med nokre av våre beste foredragshaldarar. Det er Senioruniversitetet i samarbeid med biblioteket som tilbyr foredrag som blir overført direkte og vist på storkjerm. Foredraga er gratis og ope for alle. Biblioteket spanderer kaffi, og du kan kjøpe deg noko å bite i om du ynskjer. 

Kvifor syng nattergalen så vakkert når han kjem attende om våren? Korleis klarar pinnsvinet å pare seg? Og kva får eit dyr til å eta sin eigen hjerne? Gjennom dei fire årstidene tar dette foredraget oss med på ei fascinerande reise i naturen sine evolusjonære tilpassingar. Du får svar på spørsmål som kvifor blåveisen blomstrar tidleg, kvifor humlene er store om våren, og kven i dyreriket som faktisk har den lengste tissen.

Foredragshaldar Vibeke Riiser-Larsen er sakprosaforfattar med fleire utgjevingar bak seg. Her deler ho innsiktsfulle og underhaldande historier frå boka Årstidene.