Om lag annakvar måndag kan du koma på biblioteket og få med deg aktuelle og lærerike foredrag med nokre av våre beste foredragshaldarar. Det er Senioruniversitetet i samarbeid med biblioteket som tilbyr foredraga. Dei går direkte og blir viste på storkjerm. Foredraga er gratis og opne for alle. Biblioteket spanderer kaffi, og du kan kjøpe deg noko å bite i om du ynskjer. 

Kva skjer når den psykologiske kontrakten mellom arbeidstakar og arbeidsgjevar blir brote sent i karrieren? Og kva rolle spelar nærmaste leiar i å forebygge dette? I dette foredraget får du innsikt i tema som den psykologiske kontrakten si betydning for seniorarbeidstakarar, korleis brot kan oppstå, og korleis leiarar kan bidra til å styrke seniorar si tilknyting til arbeidslivet.

Foredragshaldar Hege Sofie Hesselberg har ein doktorgrad i profesjonsstudier frå OsloMet og ein mastergrad i organisasjonspsykologi frå NTNU. Ho har omfattande erfaring frå arbeidsinkludering og har forska spesielt på seniorar si deltaking i arbeidslivet.