Dagsenteret er for personar som bur heime og som er under utgreiing for hukommelsessvikt eller har ei demensdiagnose. Brukar skal ha nytte og glede av sosial stimulering og aktivitet i fellesskap med andre. Brukar må ha eit funksjonsnivå slik at vedkomande kan fungere med lett tilrettelegging i daglege gjeremål/aktivitetar.

For å få plass på dagsenteret, må det søkjast om teneste ved å fylle ut søknadsskjema som gjeld kommunale pleie- og omsorgstenester. Tildelingskontoret for Lom og Skjåk handsamar søknaden og fattar einskildvedtak.

Du finn søknadsskjema på nettsida til Tildelingskontoret for Lom og Skjåk.

Målsetjinga for dagsentertilbodet er å gje brukarane ei oppleving av meiningsfulle aktivitetar, sosialt samvær, trivsel og tryggleik. Aktivitetane skal vera med å halde funksjonsnivået til brukarane ved like. Tilbodet kan fungere som avlastning for pårørande. 

Dagsenteret er ope Måndagar, tysdagar og torsdagar frå kl. 10 til kl. 14.30. Dagsenteret held stengt i høgtider og på heilagdagar.

Dagen tek til og blir avslutta med eit måltid. Aktivitetane blir lagt opp etter brukaranes ynskjer og interesser. Prøver å legge inn litt fysisk aktivitet. 

Brukarane blir henta og bringa i kommunal bil.  Det er ein eigenandel pr 01.01.22:  Kr. 196,-

Det er fire tilsette på dagsenteret; tre helsefagarbeidarar  og ein spesialsjukpleiar. Det er to tilsette til stades kvar dag. Sjukepleiar har det faglege ansvaret. Dagsenteret ligg organisatorisk under heimesjukepleia.

Dagsenteret held til i «Pensjonatet» ved sidan av Lom helseheim.