Fastsett av Lom kommune, kommunestyret 05.11.2024 med heimel i lov 9. juni 2023 nr. 30 om grunnskolen og den vidaregåande opplæringa (opplæringslova) § 2-2, fjerde og femte ledd.

Det er eit viktig premiss for læring at elevane er til stades i skuletida. Skuleåret består av 190 dagar, det vil si at elevar og føresette har 175 dagar til feriar og anna ikkje opplæringsretta aktivitet. 

Skulane i Lom vil med dette dokumentet sikre rett handsaming av søknadar om permisjon, og redusere omfanget av fråvær. Det er ikkje ein rett å få permisjon. Permisjon er noko skulen kan gje. Om skulen vel å innvilge permisjon, er det ein føresetnad om at det er forsvarleg å gje eleven fri frå opplæringa. Dette betyr at sjølv om det er forsvarleg for den enkelte elev å få fri, kan skulen likevel avslå søknaden. For å sikre lik handsaming av søknadar om permisjon, skal kommunen ha klare kriterie for når skulane gjev permisjon og når dei gjev avslag. 

I dokumentet vert lovheimlane for å gje permisjon frå den lovpålagte opplæringa gjennomgått, og det vert gjeve føringar for korleis dette skal praktiserast i grunnskulen. Handtering av søknadar er forankra i opplæringslova § 2-2 Plikt til grunnskoleopplæring, fjerde og femte ledd.

Handsaming av søknadar om permisjon frå opplæringa omfattar alle elevar i grunnskulen i Lom. Denne type handtering skal ikkje nyttast i samband med helserelatert fråvær. Når det gjeld helserelatert fråvær som til dømes legebesøk, tannlege eller liknande, skal skulens reglement for melding av dette følgjast.

Reglane kring permisjon i opplæringslova er omhandla i § 2-2, Plikt til grunnskoleopplæring. Fjerde ledd omfattar permisjonar eleven ikkje har krav på, og femte ledd permisjonar eleven har krav på.

Uavhengig av om det er forsvarleg etter opplæringslova § 2-2 fjerde ledd, har medlemmar av trussamfunn utanfor Den norske kyrkje rett til permisjon på sitt trussamfunns heilagdagar. Det er regulert i § 2-2 femte ledd: 

(…)”Ein elev som høyrer til eit anna trussamfunn enn Den norske kyrkja, har rett til permisjon frå skolen dei dagane trussamfunnet har helgedag, dersom foreldra sørgjer for den opplæringa som må til for at eleven skal kunne følgje med i opplæringa på skolen etter fråværet..”(…)

For elevar som ikkje er omfatta av opplæringslova § 2-2 femte ledd, gjeld berre fjerde ledd der det vert slått fast at: 

(…)”Kommunen kan gi ein elev permisjon frå skolen dersom eleven får ei opplæring som samla sett er forsvarleg..”(…) 

Skulen skal gjere ei todelt vurdering. Skulen skal fyrst vurdere om søknaden omfattar Retningslinene (sjå punkt ). Om skulen kjem til at søknaden ikkje er innanfor retningslinene på kva det kan innvilgast permisjon for, skal søknaden avslås. 

Dersom permisjonssøknaden er innanfor retningslinene på kva det kan innvilgast permisjon for, skal skulen ta stilling til om det er forsvarleg at eleven får permisjon. Det som er forsvarleg for ein elev, kan vere uforsvarleg for ein anna. Om skulen kjem til at det ikkje er forsvarleg å innvilge permisjon, skal søknaden verte avslått. Det må gjerast ei individuell vurdering som skal grunngjevast av omsyn til elevens opplæring, skulens undervisningsopplegg i permisjonstida og elevens fråvær og tidlegare permisjonshistorikk.

Opplæringslovas føresegn om maksimal permisjonstid på to -2- veker (10 skuledagar), er fjerna i ny opplæringslov. Lom kommune vil likevel ikkje innvilge permisjon utover 10 skuledagar.

Vedtak om permisjon frå den lovpålagte opplæringa er eit enkeltvedtak, og vedtaksfullmakta er delegert til skulens rektor. Dette gjeld og søknad om permisjon for enkeltdagar. Alle permisjonssøknadar må sendast inn via foresattportalen. 

https://foresatt.visma.no/lom

Retningslinene nedanfor seier noko om i kva situasjonar skulen kan innvilge permisjon, føreteke at dette er forsvarleg, og i kva situasjonar skulen ikkje skal innvilge permisjon. Det skal i grunnskulane i Lom ikkje innvilgast permisjon i periodar med førebuingar til, og gjennomføring av: 

• Statlege kartleggingsprøver 
• Nasjonale prøver 
• Eksamenar, munnleg og skriftleg 

Det skal innvilgast permisjon til familiehendingar av særleg sorgprega karakter, til dømes dødsfall eller gravferd. Dette gjeld og på dagar der det vert gjennomført prøver eller førebuing til prøver. 

Søknad om permisjon skal kun innvilgast om vilkåra i § 4.1 og § 4.2 er oppfylt og tungtvegande grunnar talar for det. Tungtvegande grunnar kan eksempelvis være spesielle arrangement eller 4 markeringar knytt til politisk arbeid, organisasjonsarbeid eller familie, eller deltaking ved idrettsleg eller kulturell konkurranse/stemne på høgt nivå. 

Det vert hovudsakleg berre innvilga permisjon i dei tilfelle som er omtala i retningslinene. Retningslinene forutset at feriereiser vert lagt til årets 175 fridagar.

Innvilging av ein søknad om permisjon forutset at rektor finn det forsvarleg at eleven er borte frå skulen i eit stuttare tidsrom (sjå punkt 4). Relevante moment ved forsvarlegheitsvurderinga er mellom anna: 

• Elevens faglege arbeid på skulen. 
• Skulens undervisningsopplegg i permisjonstida. 
• Elevens permisjonshistorikk.

Om elevar er borte frå opplæringa i lengre tid enn det er innvilga permisjon for, eller blir borte utan innvilga permisjon, er dette å sjå som udokumentert fråvær. Skulen skal då følgje gjeldande prosedyrar for fråværshandtering. Om føresette får avslag på permisjon, og likevel vel å ta eleven ut av skulen, skal det varslast skulen om dette. Føresette er da ansvarlege for tapt undervisning. 

Elevar som ikkje er gjort reie for etter overståande prosedyre, vert etter 10 skuledagar skrive ut av skulen. Dette gjeld og om skulen finn det sannsynleg at eleven oppheld seg i utlandet. Om skulen etter 10 skuledagar ikkje finn eleven eller om skulen finn eleven i Norge utan grunnskuleopplæring, skal saken sendast kommunalsjefen for vurdering av ytterlegere tiltak. 

Sjå og Utdanningsdirektoratets rettleiar for skular og skuleeigar - Barn som ikkje møter på skule: http://www.udir.no/Regelverk/Finn-regelverk-for-opplaring/Finn-regelverk-ettertema/Skoleeiers-ansvar/Barn-som-ikke-moter-pa-skolen---Veileder-for-skoler-ogskoleeier

Alle søknadar om permisjon skal sendast til, og svarast ut ved den enkelte skule. Søknad om permisjon skal vanlegvis vere skulen i hende ein månad før ynskt permisjon skal starte. Lom kommune krev at slik søknad skal kome frå ein av foreldra eller den som har det daglege ansvaret for barnet. 

Merk og at den av foreldra som har foreldreansvar, men som barnet ikkje bur fast hjå, har medbestemming når det gjeld barns utdanning, jf. Barnelova § 30. Det må difor forutsetjast at denne er inneforstått med søknad om permisjon. 

Lenkje til søknadsskjema finn ein på kommunen si heimeside. Eventuelle spørsmål om ordninga kan rettast til skulen ved rektor. Merk at alle søknadar om permisjon, sjølv ved søknad om ein dag, skal søkjast om via lenkja under. (Vi minner og om at fråvær av helsemessige grunnar skal det ikkje søkjast permisjon for, kun ei melding til kontaktlærar.) 

https://foresatt.visma.no/lom 

Dersom føresette klagar på vedtaket, skal klaga fyrst behandlast på nytt av skulen. Dersom vedtaket vert oppretthalde, vert klagen sendt til Statsforvaltaren i Innlandet. 

Ved handsaming av klagar på avslag om permisjon ser Statsforvaltaren på om skulen har handsama søknaden i tråd med opplæringslova, og etter alminnelege forvaltningsrettslege reglar. Statsforvaltaren har som praksis at skulens avslag om permisjon ikkje vert overprøvd. Desse reglane skal mellom anna beskytte mot usakleg forskjellsbehandling, vilkårlegheit og at det vert lagt vekt på utanforliggande tilhøve.

I ein eventuell klagesak vil følgjande dokument verte sendt til klagenemnd/ evt.
Statsforvaltaren:

• Rektors oversendingsbrev.
• Føresettes søknad.
• Rektors individuelt grunngjevne enkeltvedtak.
• Føresettes klage.
• Eventuell dokumentasjon.

Forskrifta trer i kraft 05.11.2024