Det har på nytt oppstått farge på vatnet ved Leirmo vassverk, som er den tredje gangen sidan oktober 2018.

Det har blitt teke vassprøvar i periodar med farge på vatnet, det er ikkje påvist sykdomsframkallande bakteriar ved analyse av prøvane.

Det vil bli teke ny prøve måndag 25 mars, dersom det blir påvist forureining vil varsel bli sendt til abonnentane.   

Kommunen har  i fleire omgangar utført farekartlegging og vurdering for å finne årsakar til dårleg vasskvalitet med farge på vatnet.

Tiltaksplan for å rette opp i forholdet er under utarbeiding, det er aktuelt å utføre tiltak så snart som praktisk mogleg.

Aktuelle tiltak er å føre overflatevatn gjennom grunnvassområde i tett røyr, inngjerding av område mellom Leira og Fv. 55 samt installere nytt  desinfeksjonsanlegg med UV.

Kommunen beklagar ulemper som følgje av dårleg vasskvalitet.

Abonnentane vil få redusert gebyr for vassforsyning som følgje av dette med grunnlag i periode med dårleg vasskvalitet.