Når snøen smeltar og våren kjem, reiser landmålarar rundt i heile landet for å måle inn såkalla fastmerke – små kvite firkantar på bakken som gjer det mogleg å ta nøyaktige flyfoto av landskapet. Merkene blir plassert på flate og faste underlag, gjerne langs vegar, på gangstiar eller ute på jorde. I midten av firkanten blir det hamra inn ein spikar eller bolt, som så blir «signalert», altså målt inn og merka med ramme.

Desse merkene er heilt naudsynte for at flyfotograferinga skal bli presis. I år skal det fotograferast store område i samarbeid gjennom Geovekst, som omfattar rundt 17 700 kvadratkilometer. I tillegg kjem den årlege omløpsfotograferinga, som i 2025 vil dekke heile 103 800 kvadratkilometer.

Kartverket minner om at mange av dei gamle merkene ikkje lenger held mål på grunn av nye kvalitetskrav. Det betyr fleire nymalte merker i åra som kjem. Merkene er planlagde på førehand, men landmålarane må ofte justere plasseringa i felt for å få best mogleg resultat.

Dersom du eig ein eigedom der eit merke blir sett opp, er det greitt å veta at matrikkellova gjev landmålarane rett til å plassere slike signal på både privat og offentleg grunn. Dei jobbar skånsamt og ryddar opp etter seg.

Kartverket oppmodar alle til å la merkene vere i fred. Dei kvite firkantane er til nytte for heile samfunnet, og nøyaktige kart kjem oss alle til gode. Vil du sjå kor det skal fotograferast eller finne flyfoto av ditt eige hus, kan du besøke nettsida Norge i bilder.

Oversikt over Gudbrandsdalen

Slik ser fastmerka ut