Lom kommune har arbeidd vidare med Kulihaugen i 2023 og 2024, i samarbeid med Natural
State og den andre grunneigaren Clemens Eiendom (no Allstad).  Dette var ei vidareføring av GNIST-prosjektet frå 2022. 
Vi har no kome eit steg vidare, men det er framleis eit stykke til mål. I 2023 fekk vi 800 000 kr frå Husbanken, som har
delfinansiert den vidare prosjektutviklinga og samarbeidet.  Clemens har også bidrege til
delfinansiering av reguleringsplanarbeidet.

Vi fekk tilskot frå Husbanken til å sjå på fire hovudområde:
• Felles strategidokument for samskaping
• Pilotering av tomt med variert bustadtypologi
• Sambruk av sesongbustadar utanom sesong
• Tverrsektorielt samarbeid

Kva har vi gjort?
Vi har arbeidd tett i ei tverrfagleg arbeidsgruppe med ulike avdelingar i kommunen, grunneigarar,
utbyggjarar, arkitektar og planleggarar for å konkretisere ideane frå Gnist i ein reguleringsplan.
Bustadkonferansen "HEIM 2024" og regionalt samarbeid i Nord-Gudbrandsdalen styrka
bustadfokuset i regionen og vart gjennomført med bidrag frå mellom anna Husbanken og
Distriktssenteret.  Ein omfattande spørjeundersøking blant Lom-innbyggjarane gav verdifull
innsikt i preferansar for bustadkjøp og utleige. I tillegg vart alle ledige tomter i Fossbergom
kartlagde og samla i ein bustadmarknadsanalyse. Det vart arbeidd med å finne moglege
modellar for burettslag som kan tilpassast dei ulike bustadkonsepta, og korleis ein kan nytte
Husbank-midlar til realisering.

Kva er resultatet?
Ein reguleringsplan med kvalitetsprogram som, med nokre justeringar, kan sendast til politisk
behandling. Fleire visualiserte skisseprosjekt for bustadar på Kulihaugen, samt eit skisseforslag
til minihus på Lien-tomta. Kunnskapsbasert grunnlag om bustadsbehov og -ynske har bidrege til
fokus på bustadar i kommunen, og det er ein satsing på fleire kommunale bustadar.

Kva gjenstår?
Det er framleis fleire forhold som krev politiske avklaringar, og kommunestyret har bedt om ei
ytterlegare utgreiing av konsekvensar og risiko, fleire alternativ til byggbare tomter, eller avgrensa
utbygging på Kulihaugen. Kommunen planlegg vidare utgreiing av Kulihaugen-tomta og treng
nødvendige politiske avklaringar før ein gjer siste endringar i reguleringsplanforslaget og sender
det til politisk behandling.

Vi takkar Husbanken for støtta og rettleiinga i prosjektet, som har bidrege til å styrkje
bustadtilbodet i Lom.

-Her kan du lese heile sluttrapporten (PDF, 2 MB)
- Her kan du lese heile sluttrapporten, inklusiv desse vedlegga: (PDF, 31 MB)

1. Bustadmarknadsanalyse 
2. Borettslag og sameie
3. Kulihaugen bustadmangfold
4. Kvalitetsprogram Kulihaugen 
5. Notat om andelsbustadar 
6. Presentasjon boligkonferanse – resultat frå spørjeundersøkinga